كيف تجيب عملاء من السوشيال ميديا؟

أنا روزا، وهذي أهم الأشياء اللي أركز عليها عشان أخلي العملاء يوصلون لي من السوشيال ميديا:

1- أرتّب حسابي

أخلي الصور واضحة، الهوية مرتبة، والهايلايت منظم؛ لأن أول انطباع يفرق كثير.

2- أهتم بالبايو مره

البايو عندي لازم يكون واضح ومختصر، يشرح مين أنا، وش أقدم، وكيف يقدر العميل يتواصل معي بسهولة.

3- أنشر باستمرار

بوستات، ستوري، ريلز… لأن الوجود المستمر يخلي الناس تتذكرني وتثق في شغلي.

4- أعطي قيمة مو بس أبيع

مو كل محتواي يكون: شغلي، خدماتي، تعالوا اشتروا من عندي. لازم أعطي الناس معلومات مفيدة، نصائح، أخطاء يتجنبونها، وأفكار تساعدهم. كذا يثقون فيني أكثر ويشوفوني كشخص فاهم وخبير.

5- أخلي شغلي بكل مكان

إنستقرام، تيك توك، بهانس، كتالوج الواتساب، فيسبوك، لينكدإن… ما أحصر نفسي بمنصة وحدة.

6- أرد بسرعة

العميل يحب اللي يرد عليه بسرعة وبأسلوب مرتب، وهذا الشي يفرق كثير بقرار الشراء.

7- أسوي فعاليات ومسابقات

خصوصًا إذا كنتِ ببدايتك، المسابقات والتصاميم المجانية والعروض البسيطة تساعد الناس تعرفك وينتشر اسمك أسرع.

الاستمرار، التفاعل، والظهور بكل مكان هي الأشياء اللي تخليك توصلين للعملاء